Quramynda Qanat Islam bastaǵan myqtylary bar «Qazaq Promotions» kompanııasynyń boksshylary bul kúnderi tanymal AQSh mamany Rodjer Romanyń qol astynda jattyǵýda. Kezinde aıtýly bapker amerıkalyq Kellı Pavlık, reseılik Sergeı Kovalev jáne brazılııalyq Patrık Teıshera syndy sańlaqtardy jattyqtyrǵan.
Bul boksshylardyń barlyǵynyń da esimi jankúıerlerge jaqsy tanys. Máselen, 37jastaǵy Kellı Pavlık 2007-2010 jyldar aralyǵynda WBC pen WBO nusqalary boıynsha álem chempıony atandy. Kásipqoı rıngte barlyǵy 42 jekpe-jek ótkizgen ol 40 ret (34 nokaýt) jeńiske jetti.
36 jastaǵy Sergeı Kovalev qazirgi kezde WBO nusqasynyń teńdessizi. Orys jigiti 38 ret sharshy alańǵa kóterilip, 34 márte (29 nokaýt) jeńiske jetti. Úsh ret utylyp, taǵy bir básekede teń esep tirkeldi.
28 jastaǵy Patrık Teıshera da birqatar nusqalardyń altyn belbeýiniń ıegeri. Ońtústik Amerıkanyń oǵlany 30 kezdesýdiń tek bireýinde ǵana utyldy. Qalǵanyn óz paıdasyna sheship, 22 qarsylasyn esinen tandyrdy.
Esterińizge sala keteıik, «Qazaq Promotions» uıymy 26 qyrkúıekte Almatydaǵy Balýan Sholaq atyndaǵy mádenıet jáne sport saraıynda boks keshin ótkizedi. Sol jarystyń basty jekpe-jeginde qazaqtyń uly Qanat Islam namıbııalyq Ýolter Kaýtondokvamen aıqasady.