Shymkentte kórkem gımnastıkadan ótip jatqan Qazaqstan kýbogy jolyndaǵy jarystyń alǵashqy jeńimpazdary men júldegerleri anyqtaldy.
Kópsaıystan ótken básekede eresekter arasynda shymkenttik Roza Ábıtova (77.45 upaı) aldyna jan salmasa, Nur-Sultan qalasynan kelgen Aıdana Shákenova (76.75) men Sabına Baqatova (71.3) júldegerler sanatynan kórindi.
Qyzdar arasyndaǵy saıysta Shymkent qalasynyń ókili Eljana Tánıeva (74.75) top jarsa, onyń komandalyq áriptesi Aıdana Shaıahmetova (68,95) kúmis aldy. Al pavlodarlyq Aıdana Mamjan (61,15) qola medaldi moınyna ildi.