Taldyqorǵandaǵy «Jetisý» sport saraıynda voleıboldan áıelder arasyndaǵy Qazaqstan Sýperkýbogy jolyndaǵy jarys aıaqtaldy.
Aıtýly týrnırde tórt komanda baq synady. Olar - «Jetisý», «Altaı», «Ertis-Qazhrom» jáne «Almaty». Osylardyń arasynda taldyqorǵandyq voleıbolshylardyń mysy basym boldy. Alǵashqy eki kezdesýde qarsylastaryn qapy qaldyrǵan alań ıeleri sońǵy oıynda pavlodarlyqtardy 3:0 (25:20, 27:25, 25:22) esebimen utyp, Qazaqstan Sýperkýbogyn ıelendi.
Jarys qorytyndysy boıynsha Sana Anarqulova («Altaı») jáne Djoana Palasıo Mendosa («Jetisý») osy jarystyń eń úzdik oıynshysyna tıesili arnaıy syılyqtarǵa ıe boldy.
Osy jeńistiń arqasynda «Jetisý» Azııanyń klýbtyń chempıonatynda baq synaý qurmetine ıe boldy.