Bul týraly Qazaqstannyń Tuńǵysh Prezıdenti - Elbasy Nursultan Nazarbaevtyń baspasóz qyzmeti habarlady.
Kezdesý barysynda Elbasy Vladımır Zelenskııdi Ýkraınanyń Prezıdent saılaýyndaǵy jeńisimen quttyqtady.
– Ýkraınanyń jańalyqtaryn kúndelikti qadaǵalap otyramyn. Men úshin sizdiń elińizdiń orny erekshe. Bul kezinde Ýkraınada eki jyl oqyǵanym úshin ǵana emes. Táýelsizdiktiń alǵashqy kúnderinen bastap Ýkraına prezıdentterimen jaqyn tanys boldym, – dedi Qazaqstannyń Tuńǵysh Prezıdenti.
Sonymen birge, Nursultan Nazarbaev Ýkraınadaǵy oqıǵalarǵa óz alańdaýshylyǵyn bildirdi.
Elbasy Ýkraınanyń ońtústik-shyǵysyndaǵy qaqtyǵysty beıbit jolmen sheshýdiń mańyzdylyǵyn atap ótti.
– Siz saılaýda halyqtyń úlken senimine ıe boldyńyz. Josparlaryńyzdy júzege asyrý úshin barlyq múmkindik bar, – dedi Elbasy.
О́z kezeginde, Vladımır Zelenskıı Ýkraınanyń Qazaqstan Respýblıkasyn keń aýqymdy máseleler boıynsha árdaıym qoldaǵanyn atap ótti.
Kelissózder barysynda, V.Zelenskıı Qazaqstan Prezıdenti Q-J.Toqaevpen Nıý-Iork qalasynda kezdeskenin aıta kele Elbasyny Ýkraınaǵa shaqyrdy.
Sonymen qatar, taraptar eki el arasyndaǵy saýda-sattyqty arttyryp, qatynastardy nyǵaıtý máselelerin talqylady.