Orta salmaqta judyryqtasatyn qazaqstandyq kásipqoı boksshy Jánibek Álimhanuly 9 qarasha kúni AQSh-tyń Fresno qalasynda ótetin jarysta kanadalyq Albert Onolýnosemen kúsh synasady.
Bul kúnderi Úıeńki japyraqtar elinde turyp jatqan 39 jastaǵy Onolýnose qara qurlyqtaǵy Nıgerııa elinde týyp-ósken. Onyń kásipqoı rıngte baq synap júrgenine 15 jyldan asty. Sol ýaqyt aralyǵynda 27 kezdesý ótkizip, 24 márte jeńiske jetti. Segiz básekeni merziminen buryn aıaqtady. Eki márte utylyp, taǵy bir tartysta teń esep tirkeldi. О́ziniń sońǵy jekpe-jegin Albert Onolýnose ústimizdegi jyldyń qańtar aıynda meksıkalyq Genaro Ortıske qarsy ótkizip, aıqyn jeńiske qol jetkizdi.
Kásipqoılar arasynda jeti jekpe-jek ótkizip, sonyń barlyǵynda mereıi ústem bolǵan 26 jastaǵy Jánibek Álimhanuly aldaǵy aıqasta WBC Continental Americas nusqasy boıynsha altyn belbeýin qorǵaıdy.