Bıyl Almatyda kásipkerler «Damý» qorynan 5 mıllıard teńgeden astam jeńildetilgen nesıe alǵan.
Jyl basynan beri Almaty qalasynyń ózinde 200-den astam kásipker «Damý» kásipkerlikti qoldaý qorynan 5 mıllıard teńgeden astam jeńildetilgen nesıe alǵan. Olardyń ishinde kishi jáne orta bıznes pen qatar iri kásiporyndar da bar. Búginde kásipkerlikti qoldaý qory 30-ǵa tarta baǵdarlama boıynsha jumys istep keledi.
Búgin baspasóz ókilderi atalǵan kómekke qol jetkizgen birneshe kásiporyndy aralap, jumys barysymen tanysyp qaıtty, dep habarlaıdy Almaty qalasy ákimdigi baspasóz bólimi.
Bul otandyq kásiporyn 2010 jyldan beri jumys istep keledi. Keshen alǵashynda tek medısınalyq mekemelerge arnalǵan dezınfeksııalyq quraldar shyǵarýmen aınalysqan. Keıinnen «О́ndiris» memlekettik baǵdarlamasy boıynsha jeńildetilgen nesıe alyp, taýar túrlerin kóbeıtken. Táýligine 36 tonna ónim shyǵara alatyn qaýqary bar holdıng basshylyǵy aldaǵy ýaqytta da qarjylaı kómekke júginemiz de otyr.
«Biz óndiristi modernızasııalaǵannan keıin polımerlik ydysty da shyǵarýdy bastadyq. Sebebi, ony shetten alý tıimsiz boldy. Búginde óndiriste 120-ǵa jýyq qyzmetker jumys isteıdi. Al, taýarlarymyz kórshiles Reseı men Qyrǵyzstanda saýdalanyp jatyr. Aldaǵy ýaqytta kásiporyndy keńeıtip Mysyr eline de eksporttaýdy josparlap otyrmyz», - dedi kásiporyn dırektory Danııar Alshanbaev.
Baspasóz ókilderiniń ekinshi aıaldamasy naryqta 20 jyldan astam ýaqyt jıhaz shyǵarýmen aınalysyp kele jatqan seh. «Damý» qory kásibin jańa bastaǵandardyń jeńildetilgen nesıe kóleminiń 80 paıyzyna kepil bolsa, 3 jyldan astam jumys istegenderge 50 paıyz kepil bola alady.
Kez-kelgen shaǵyn bıznes bolsyn jáne osy syndy orta bıznes bolsyn memlekettik qoldaý asa mańyzdy. Ár zatqa sapaly materıal kerek. Bul jıhaz sehy 2001 jyly ashylyp, 2014 jyly memlekettiń qoldaýyn alyp, búginde sapaly jıhaz shyǵaryp qana qoımaı, jaqyn kórshiles elderge taýarlaryn eksporttap jatyr.
Búginde kásipkerlikti qoldaý qory 30-ǵa tarta baǵdarlama boıynsha jumys istep keledi. Sonyń ishinde kóptiń kóńilinen shyqqan "Eńbek" baǵdarlamasy. Sebebi, qarajat alý eshqandaı krıterıge qaramaıdy. Kez-kelgen bınes ókili kásiptiń barlyq túri boıynsha 20 mıllıonǵa deıin 6 paıyzdyq jeńildetilgen nesıe ala alady. Sondaı shapaǵatty kórip otyrǵandardyń biri Asıma Sultanova.
Ol bıyl kóktemde 11 mıllıonnan astam qarajat alyp, kópten oılap júrgen balalar damytý ortalyǵyn ashypty. «Bizdiń ortalyqta 4 muǵalim jumys isteıdi. Úsh muǵalimge men ózim jalaqysyn tólep otyrmyn. Bir muǵalimdi biz jumyspen qamtý ortalyǵynan jastar saıasaty arqyly aldyq. Bizde aǵylshyn tili, qazaq tili, orys tili jáne taǵy basqalar jáne kishkentaı balalarmen jumys isteıtin logoped jumys isteıdi», - dedi balalardy damytý ortalyǵynyń dırektory Ásıma Sultanova.
«Damý» qory bıyldyń ózinde 5 mıllırdtan astam qarajatty quraıtyn 200 astam kásipkerge kómek kórsetken. Barlyq jeńildetilgen borysh ekinshi deńgeıli bankter arqyly beriledi.