2019 jylǵy 9 aıdyń qorytyndysy boıynsha Aqmola oblysynda 18 425 adam Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasynyń qatysýshylary boldy. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
12 500 adam jumysqa ornalastyryldy, onyń ishinde 10 478 adam nemese 84% turaqty jumysqa ornalastyryldy.
Eńbek naryǵynda suranysqa ıe mamandyqtar boıynsha kásibı daǵdylardy qalyptastyrý maqsatynda azamattardyń jekelegen sanattary úshin qysqa merzimdi kýrstar ótkizýdi kózdeıtin «Eńbek» memlekettik baǵdarlamasynyń birinshi baǵyty sheńberinde Aqmola oblysynda 1 977 adam oqytýmen qamtyldy. Qysqa merzimdi kásiptik oqytý aıaqtalǵannan keıin halyqty jumyspen qamtý ortalyqtary memlekettik baǵdarlamanyń qatysýshylaryna jumysqa ornalasýǵa kómek kórsetedi.
Memlekettik baǵdarlamanyń ekinshi baǵytynyń negizgi mindeti azamattardyń kásipkerlik bastamalaryn damytý bolyp tabylady. Ol úshin «Bastaý Bıznes» jobasy aıasynda kásipkerlik negizderine oqytý júrgiziledi jáne bastapqy bıznesti iske asyratyn jáne iske asyrýdy josparlaıtyn jáne buryn basqa memlekettik baǵdarlamalar sheńberinde qarjylyq qoldaý almaǵan úmitkerlerge óteýsiz jáne qaıtarymsyz negizde 100 jáne 200 AEK deıingi mólsherde memlekettik granttar beriledi. Sonymen qatar, aýylda jáne qalalarda kásipkerlik áleýeti bar isin jańa bastaǵan kásipkerlerge, aýyl sharýashylyǵy kooperatıvterine jáne zeınetkerlik jasyna jetpegen olardyń múshelerine, sharýa jáne fermer qojalyqtaryna mıkrokredıtter beriledi.
Aqmola oblysynda mıkrokredıtpen 695 adam qamtyldy. Memlekettik granttardy 100 AEK – ke deıingi mólsherde memlekettik baǵdarlamanyń 423 qatysýshysy, 200 AEK-ke deıingi mólsherde-210 adam (jastar, az qamtylǵan jáne kópbalaly otbasy músheleri, eńbekke qabiletti múgedekter) aldy.
Memlekettik baǵdarlamanyń úshinshi baǵyty azamattardyń jekelegen sanattaryn jumysqa ornalastyrý úshin memleket esebinen sýbsıdııalanatyn jumys oryndaryn qurýdy kózdeıdi. Ony júzege asyrý aıasynda Aqmola oblysynda 3 214 adam jumysqa ornalastyryldy, onyń ishinde áleýmettik jumys oryndaryna – 558 adam, jastar tájirıbesine – 681 adam jáne qoǵamdyq jumystarǵa – 1 975 adam.