Almaty men Almaty oblysynan keıin tabysy az, kópbalaly otbasylarǵa jáne múgedek balalardy tárbıelep otyrǵan adamdarǵa kásipkerlik daǵdylardy damytýǵa jáne óz isin ashýǵa qoldaý sharalaryn kórsetýge baǵyttalǵan «Meniń kásibim» jobasy Shymkent jáne Túrkistan oblysynda bastalady. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
Atalǵan jobany jergilikti atqarýshy organdardyń qoldaýymen onyń tikeleı avtory Aıjanı Nurlanova júzege asyrady. Osy aptada ol men úshinshi megapolıs pen eldiń eń ońtústik óńiriniń ákimdikteri arasynda tıisti memorandýmǵa qol qoıý josparlanýda. Jalpy úılestirýdi Qazaqstan Respýblıkasynyń Eńbek jáne halyqty áleýmettik qorǵaý mınıstrligi júzege asyratyn bolady.
Joba avtory muqtaj azamattarǵa úıde kásibin júrgizýge qajetti ınventar, qural-jabdyqtar men materıaldardy usyný arqyly kórsetetin bolady.
Osyndaı joba pılottyq rejımde Aıjanı Nurlanova Mańǵystaý oblysynda sátti júzege asyrdy, onda 250-ge jýyq adam jeke kásipkerlikti júrgizýdiń negizgi daǵdylaryn úırenip, jeke isin ashty.
Budan buryn habarlanǵandaı, aldaǵy ýaqytta «Meniń kásibim» jobasyn júzege asyrý boıynsha memorandýmdar barlyq óńirlerdiń ákimdikterimen jasalatyn bolady.