Qazaqstan Respýblıkasy Syrtqy ister mınıstriniń orynbasary Erjan Ashyqbaev bastaǵan Qazaqstan delegasııasy Baký qalasynda ótken Qosylmaý Qozǵalysyna múshe memleketterdiń syrtqy ister mınıstrlikteri basshylarynyń kezdesýine qatysty. Bul týraly Syrtqy ister mınıstrliginiń baspasóz qyzmeti habarlady.
E.Ashyqbaev is-sharada sóılegen sózinde Qazaqstan Tuńǵysh Prezıdenti – Elbasy Nursultan Nazarbaevtyń basshylyǵymen Qazaqstan Semeı ıadrolyq polıgonyn japqanyn jáne álemdegi tórtinshi ıadrolyq arsenaldan óz erkimen bas tartqanyn atap ótti. Ol ıadrolyq qarýdan azat álemge qol jetkizý Qazaqstannyń basty basymdyǵy bolyp qala beretinine nazar aýdaryp, Qozǵalysqa múshe memleketterdi qaýipsiz bolashaqty qamtamasyz etý úshin osy baǵytta kúsh biriktirýge shaqyrdy.
Sondaı-aq qazaqstandyq delegasııanyń basshysy Qazaqstan Ortalyq Azııanyń tórt elimen birge biregeı ıadrolyq qarýdan azat aımaqty quryp, MAGATE-niń tómen baıytylǵan ýran bankin ornalastyra otyryp, Halyqaralyq ıadrolyq synaqtarǵa qarsy is-qımyl kúnine arnalǵan BUU Bas Assambleıasynyń qararyn qabyldap, sondaı-aq Iаdrolyq qarýǵa tyıym salý týraly shartty ratıfıkasııalap, ıadrolyq qarýsyzdaný isine óziniń praktıkalyq jáne eleýli úlesin qosqanyn atap ótti.
Terrorızmmen qarsy kúres máselesine toqtala kele, E.Ashyqbaev jahandyq terrorızmge qarsy koalısııa qurýdyń bir ádisi bolyp tabylatyn Terrorızmnen azat álemge qol jetkizý minez-qulyq kodeksin qabyldaý týraly Qazaqstannyń bastamasyn atap ótip, Qozǵalysqa múshe elderdiń bul qujatqa qosylatynyna senim bildirdi.
Sonymen qatar E.Ashyqbaev AО́SShK-ti kezeń-kezeńimen tolyqqandy aımaqtyq uıymǵa aınalý qajettiligine is-shara qatysýshylarynyń nazaryn aýdaryp, Qazaqstan 2020 jyly AО́SShK-te tóraǵalyq etý aıasynda basqa halyqaralyq uıymdarmen jáne kópjaqty ınstıtýttarmen, sonyń ishinde Qosylmaý qozǵalysymen qatynastardy tereńdetýge kúsh-jigerin baǵyttaıtynyn aıtty.
Sóz sońynda Mınıstrdiń orynbasary qatysýshylardy 2019 jylǵy mamyrda Almaty qalasynda búkil aımaqtyń beıbitshiligi men turaqtylyǵyn nyǵaıtýyna jáne turaqty damýyna yqpal etetin BUU-nyń Turaqty damý máseleleri jónindegi ortalyǵy ashylǵany týraly aqparattandyrdy.
Is-shara aıasynda Qazaqstan delegasııasynyń basshysy Kenııa Respýblıkasy jáne Vetnam Sosıalıstik Respýblıkasy delegasııalarynyń basshylary A.Namvamba men Ngýen Kýok Dýngpen ekijaqty kezdesýlerin ótkizip, olardyń barysynda barlyq salalaryndaǵy ekijaqty yntymaqtastyqtyń aǵymdaǵy jaǵdaıy men damý keleshegi talqylandy. Taraptar turaqty baılanystardy jalǵastyrýǵa jáne ózara qyzyǵýshylyq týdyratyn máseleleri boıynsha qoldaý kórsetýge ýaǵdalasty.