Ashylý barysynda Premer-Mınıstrdiń orynbasary is-sharanyń barlyq qatysýshylaryna alǵysyn bildirdi, sondaı-aq Qazaqstan men Belarýs arasyndaǵy qarym-qatynas barlyq baǵyttar boıynsha damyp kele jatqanyn jáne oń dınamıkaǵa ıe ekenin atap ótti. Bul týraly primeminister.kz habarlady.
Qazaqstan-Belarýs bıznes-forýmy Belarýs Respýblıkasynyń Prezıdenti Aleksandr Lýkashenkonyń Qazaqstanǵa resmı sapary aıasynda ótti. Resmı sharaǵa Belarýs Premer-Mınıstriniń birinshi orynbasary Aleksandr Týrchın, sondaı-aq eki eldiń resmı jáne isker toptarynyń 200-den astam ókilderi qatysty.
Forým jumysy barysynda eki eldiń saýda-ekonomıkalyq yntymaqtastyǵyn odan ári damytý jáne bıznesti júrgizýdiń tájirıbelik aspektilerine erekshe nazar aýdaryldy. Sonymen qatar, kásipkerlik qaýymdastyq aldynda turǵan mindetter men perspektıvalar talqylandy, sondaı-aq Qazaqstan men Belarýs bıznes-qurylymdary arasynda jańa baılanystar ornatyldy.
Forým qorytyndysy boıynsha taraptar jalpy somasy $75 mln turatyn mashına jasaý, agroónerkásip kesheni, farmasevtıka salalary boıynsha kelisimderge qol qoıdy.
Belarýs Qazaqstannyń álemdik arenadaǵy jetekshi seriktesteriniń biri bolyp tabylatynyn atap ótý qajet. Táýelsizdik alǵan sátten bastap qazirgi ýaqytqa deıin Qazaqstan-Belarýs yntymaqtastyǵynyń sharttyq-quqyqtyq bazasy áleýmettik-ekonomıkalyq jáne strategııalyq qatynastardyń túrli salalaryndaǵy 70-ten astam sharttar men kelisimderden turady.