Birikken Arabtar Ámirliginiń (BAÁ) astanasy Ábý-Dabıde ótip jatqan Grand-Slem jarysynyń alǵashqy kúni artta qaldy.
Aıtýly dodada erlerdiń eń jeńil salmaǵynda beldesken qazaqstandyq dzıýdoshy Ǵusman Qyrǵyzbaev bas júldeni ıelendi. Bastapqy básekelerde Ońtústik Koreıa, Ázirbaıjan jáne Brazılııanyń ókilderin utqan ol jartylaı fınalda reseılik Iаgo Abýladzeden aılasyn asyrdy. Al fınalda qandasymyz fransııalyq Valıd Kııardy qapy qaldyrdy. Dál sol salmaqta baq synaǵan elimizdiń eń beldi dzıýdoshysy Eldos Smetov qola medal úshin tartysta Iаgo Abýladzege ese jiberip, besinshi orynda qalyp qoıdy.
О́kinishke qaraı, ózge jerlesterimizge jeńis tuǵyryna kóterilý baqyty buıyrmady. 66 kılo salmaqtaǵy Eldos Jumahanov ekinshi aınalymda jeńilis tapsa, Erlan Serikjanov jubanysh básekesinde sátsizdikke ushyrady. Qos qandasymyzdy da júldeden aıyrǵan ıspanııalyq Alberto Gaıtero Martın.
Áıelder arasyndaǵy básekede Anna Kazıýlına (52 kılo) men Sevara Nyshanbaeva da (57 kılo) alǵashqy aınalymdardan asa alǵan joq.