Parıjde ótip jatqan halyqaralyq týrnırdiń irikteý synynyń jartylaı fınalynda qazaqstandyq tennısshi Aleksandr Býblık ıtalııalyq Andreas Seppıge ese jiberdi.
35 jastaǵy Apennın túbeginiń ókili osy kezdesýdiń favorıti sanaldy. Sebebi, qarsylasyna qaraǵanda ol áldeqaıda tájirıbeli. Kezinde Andreas Seppı álemdik reıtıngte 18 satyǵa deıin kóterilgen. Avstralııanyń ashyq birinshiliginde tórt ret tórinshi kezeńde óner kórsetti. Rolan Garros pen Ýımbldonda da sol mejege jetti. ATR týrnırlerinde úsh ret top jardy.
Árıne, jerlesimiz ondaı nátıjelerimen maqatana almaıdy. Desek te Aleksandr Býblık Andreas Seppıge barynsha qarsylyq kórsetti. Bul match 7:6, 7:5 esebimen ıtalııalyqtyń paıdasyna sheshildi.