Avstrııanyń astanasy – Venada ótip jatqan halyqaralyq týrnırde qazaqstandyq tennısshi Mıhaıl Kýkýshkın ekinshi aınalymnan asa almady.
Júlde qory 2 296 490 evrony quraǵan «ATP Erste Bank Open 500» jarysynyń ekinshi kezeńinde jerlesimiz ıspanııalyq Pablo Karreno-Býstamen sheberlik baıqasty. Kýkýshkınniń 28 jastaǵy qarsylasy osydan eki jyl buryn álemdik reıtıngte «TOP-10» oıynshynyń qatarynda bolǵan. Onyń eń úzdik kórsetkishi – 2017 jyly AQSh-tyń ashyq birinshiliginde jartylaı fınalǵa shyǵýy. Sondaı-aq, ol Rolan Garrostyń shırek fınalynda óner kórsetti.
Venadaǵy kezdesý 2 saǵat 19 mınýtqa sozylyp, 7:6, 4:6, 1:6 esebimen Pıreneı túbegi túleginiń jeńisimen aıaqtaldy.