Aldaǵy ýaqytta jeńil atletıkadan Qazaqstan ulttyq qurama komandasynyń bas bapkeri mindetin áıgili sportshy Dmıtrıı Karpov atqaratyn bolady.
Bul sportshynyń esimi jankúıerlerge jaqsy tanys. 38 jastaǵy qaraǵandylyq sportshy onsaıysty serik etip, halyqaralyq dodalarda birqatar bıik belesterdi baǵyndyrdy. Atap aıtsaq, Afıny Olımpıadasynda qola medaldi moınyna ildi. 2003 jáne 2007 jyldarda ótken álem chempıonattarynda úshinshi orynǵa taban tiredi. Doha men Gýanjoýdaǵy Azııa oıyndarynda aldyna jan salmasa, Pýsanda qolaǵa qolaǵa qol sozdy. Azııa chempıony degen ataǵy taǵy bar. Gran-prı týrnırlerinde san márte jeńis tuǵyryna kóterildi. Sondaı-aq Karpov Qazaqstan men Azııa rekordyn birneshe ret jańartty.
Esterińizge sala keteıik, ústimizdegi jyldyń 27 qyrkúıegi men 6 qazan aralyǵynda Katardyń bas shahary – Dohada ótken álem chempıonatynan jerlesterimiz quralaqan oraldy. Osy jaǵdaıdyń bas bapkerdiń aýysýyna sebep bolýy da ábden múmkin.