Parlament Senatynyń depýtaty Dana Nurjigitova balalardyń kóshi-qon úderisterindegi quqyqtaryn qorǵaý jáne qamtamasyz etý júıesin jaqsartý jónindegi tájirıbeni zerdeleý úshin Italııada boldy. Bul týraly Parlament Senatynyń baspasóz qyzmeti habarlady.
Sharany Qazaqstan Respýblıkasynyń Adam quqyqtary jónindegi ýákili jáne BUU Balalar Qory (IýNISEF) uıymdastyryp otyr. Delegasııa quramyna Parlament depýtattary jáne bilim jáne ǵylym, ishki ister, densaýlyq saqtaý, eńbek jáne áleýmettik qorǵaý, ádilet mınıstrlikteriniń ókilderi engen bolatyn.
Sapar aıasynda kóshi-qon úderisteri jáne ondaǵy balalardy qorǵaýda tájirıbesi mol elderdiń osy saladaǵy ahýalyn zerdeleý men yntymaqtastyq ornatý josparlandy.
Sondaı-aq kóshi-qon kezinde qamqorlyqtan syrt qalǵan balalardy qorǵaý júıesi, sondaı-aq olardy odan ári ustaý, mártebesin anyqtaý, olarǵa qolaıly jaǵdaı jasaý máselelerin talqylaý kózdelip otyr.