Halqymyz rýhanııatynda qobyzdyń alar orny erekshe. Osy mıftik mýzyka quralynyń shanaǵynan halyqtyń muń-zary tógilgendeı, tipti qazaq dalasynyń mýzyka tilindegi ǵajaıyp kórinisindeı áser beredi. Qobyzshylar tek kúı tartyp qana qoıǵan joq, olar qobyz áýenimen emshilik jasady.
Torǵaıda HVIII ǵasyrdyń ekinshi jartysy men HIH ǵasyrdyń basynda ómir súrgen qobyzshylardyń biri Tilep Aspantaıuly bolatyn. Qobyzshynyń shyǵarmalary búginge deıin oınalady. О́zi tylsym kúshke ıe qobyz arqyly adam emdep, halqyna kómegin bergen. El jadynda saqtalǵan Tilep pen Saryqyzdyń mahabbat-taǵdyry da onyń bıik adamgershilik, taza júrek ıesi ekenin kórsetedi. 1820 jyly paıǵambar jasynda dúnıeden ótken Tilep qobyzshynyń súıegi qazirgi Jangeldın aýdanyndaǵy Ahmet Baıtursynov aýylynan 60 shaqyrymdaı jerge qoıylǵan eken. Belgili mesenat, «Tilep» qaıyrymdylyq qorynyń prezıdenti, qobyzshynyń urpaǵy Sapar Ysqaqov babasynyń basyna kesene turǵyzdy.
Keseneniń uzyndyǵy 12 metr, eni 4 metr, bıiktigi 2,5 metr, eki jaǵynda bıiktigi 5 metr munarasy bar. Keseneniń qos kók kúmbezi alystan kóz tartady. Qurylysty salýshylardyń aıtýyna qaraǵanda, kesene jumysy munymen toqtap qalmaıdy. Aldaǵy jyldary keseneniń qasynan adamdar túneıtin qosymsha úı salynatyn bolady. Torǵaı óńirinen ǵana emes, basqa jaqtan da naýqas, perzent tilep júrgen jandar áli kúnge deıin qobyzshy zıratynyń basyna kelip qonyp, duǵa etedi. Zırat eldi mekenderden shalǵaı bolǵandyqtan, ol jerge jetý, túneý qıyndyq týǵyzatyn. Mesenat adamdar senimine qurmetpen qaraý, jaǵdaı jasaý úshin de kesene janynan shaǵyn úı salýdy oılastyryp otyrǵanyn aıtty.
Qostanaı oblysy,
Jangeldın aýdany