Áskerı qyzmetshilerdiń jaǵdaıymen tanysty

Qorǵanys vedomstvosynyń delegasııasy áskerı bólimder ornalasqan jerde bolyp, jas ofıserlerdiń, merzimdi jáne keli­simshart boıynsha ás­ke­rı qyzmetshilerdiń jaǵ­daı­lary­­men tanysty. General-ma­ıor Muhamedjan Tala­sov jeke qurammen, merzim­di qyz­met­tegi áskerı qyzmet­shi­ler­diń ata-analarymen kez­desip, bar­lyq suraqtarǵa jaýap berdi. Sony­men qatar ol áske­rı bó­lim­der men mekemeler ko­man­­dırleriniń tártiptiń jaı-kúıi, áskerı qyzmetshilerdiń áleý­­mettik-turmystyq jáne tur­ǵyn úı jaǵdaıy, bólim­she­ler­degi moraldyq-psıho­logııa­lyq ahýal, túıtkildi máse­le­ler týraly baıandamalaryn tyń­­dady, sondaı-aq Prezı­dent Joldaýynyń negizgi ere­jelerin túsindirdi.

Áskerı qyzmetshiler men olardyń otbasy múshelerine qa­jet­ti zańgerlik kómek kór­se­tilip, áskerı qyzmetke, tur­ǵyn úı jáne zeınetaqymen qamta­ma­syz etýge qatysty máseleler boıynsha keńester berildi.

Is-sharalar Qarýly Kúsh­ter Ult­tyq áskerı-patrıot­tyq ortalyǵy ártisteriniń konsertterimen súıemeldendi. Sonymen qatar AOSK qoıan-qol­tyq urys jáne qazaq kúresi boıynsha áskerı sportshy­larynyń ónerleri qoıyldy.

Saryózek garnızonyna barý áskerı bólim kúnimen tuspa-tus keldi. Osy boıynsha áskerı jarysta úzdik bolǵan áskerı qyzmetshiler marapattaldy. Olardy Qarýly Kúshter Bas shtaby bastyǵynyń orynbasary jeke quttyqtady.

«Barlyq áskerı qyzmet­shi­lerge áskerı boryshqa adal­dyǵy, qyzmeti men Otan qor­ǵaý isine qosqan zor úlesi úshin shynaıy rızashylyǵymdy bildiremin. Sizderdiń tamasha qyzmetterińiz abyroı, áskerı erlik pen patrıotızmniń aıqyn dáleli», – dedi ol.

Garnızondarmen tanysý barysynda zapasqa shyǵaryla­tyn merzimdi qyzmettegi áskerı qyzmetshilerdi quttyqtaý jáne osy kúzde Qarýly Kúshter­ge qyzmetke jiberiletin áskerge shaqyrylýshylardy shyǵaryp salý uıymdastyryldy. Jas patrıottar da shette qalmady. «Jas Sarbaz» áskerı-pat­rıot­tyq qozǵalysynyń tárbıe­lenýshileri saltanatty túrde ant qabyldady.

Aıta ketý kerek, aqparat­tyq-túsindirý tobynyń ju­mys maqsaty – áskerı qyzmet­shilermen, olardyń otbasy músh­eleriniń áleýmettik-tur­mys­tyq jaǵdaılary men ózekti máselelerin zerdeleý, gar­nı­zondardyń áskerı bólim­deri qolbasshylyǵynyń qyz­metin taldaý, qoldanystaǵy zańnamanyń negizgi erejelerin túsindirý jáne Prezıdenttiń Jol­daýyn júzege asyrý, son­daı-aq áskerı bólimder men me­kemelerge aqparattyq-tárbıe jáne ıdeologııalyq jumys­tar­dy uıymdastyrý másele­leri boıynsha ádistemelik jáne praktıkalyq kómek kórsetý.