Densaýlyq saqtaý mınıstrligi 14-17 jastaǵy mektep oqýshylaryna adam papılomasy vırýsyna (VPCh) qarsy qosymsha vaksınasııa júrgiziletinin habarlady, dep jazady Egemen.kz.
Endi ata-anasynyń nemese zańdy ókiliniń kelisimimen jasóspirim qyzdarǵa ekpe salýǵa múmkindik beriledi. Tıisti qaýlyǵa eldiń Bas memlekettik sanıtarııalyq dárigeri qol qoıǵan.
Aıta keteıik, Qazaqstanda 2024 jyldan bastap 11 jastaǵy qyzdarǵa adam papılomasyna qarsy josparly vaksınasııa júrgizilip keledi. Sonymen qatar 12-13 jastaǵy oqýshylar arasynda da qosymsha ekpe jumystary uıymdastyrylǵan.
Mınıstrliktiń málimetinshe, 1 mamyrǵa deıin 11-13 jas aralyǵyndaǵy qyzdarǵa jatyr moıny obyryn týdyratyn vırýsqa qarsy 398 myńnan astam profılaktıkalyq ekpe salynǵan.
Densaýlyq saqtaý mınıstrligi bul vaksına qyz balalar arasynda aýrýdyń aldyn alýda 90-100 paıyzǵa deıin tıimdi ekenin atap ótti.
Buǵan deıin sońǵy jyldary Qazaqstanda vaksınadan bas tartý jaǵdaılary artyp kele jatqanyn jazǵan bolatynbyz.
Bas memlekettik sanıtarııalyq dáriger qol qoıǵan qaýlyǵa sáıkes elimizde qyzylsha deregi anyqtalǵan jaǵdaıda ekpe almaǵan balalar balabaqsha men mektepke ýaqytsha qabyldanbaıdy.