Senbi kúni Almatyda ótken kásipqoı boks keshinde jeńiske jetken qazaqtyń gúrzi judyryqty jigitteri Boxrec reıtıngindegi jaǵdaılaryn edáýir jaqsartty.
Birinshi raýndta-aq ózbekstandyq Muhıtdın Radjapbaevty aýyr soqqylardyń astyna alyp, meselin qaıtarǵan Arman Rysbek (78 kılo) birden 325 satyǵa joǵarylady. Qazirgi kezde ol óz dıvızıonynda 201 oryndy ıelenýde. Ýkraınalyq Iаroslav Manýılovty utqan Saparbaı Aıdarov (74 kılo) 526 satydan 356 orynǵa kóterildi. Bul básekede tóreshilerdiń barlyǵy da bizdiń jigittiń jeńgenin biraýyzdan moıyndady. Osyǵan deıin Rýslan Myrsataev (+91 kılo) Boxrec reıtınginde 191 oryndy qanaǵat tutyp kelgeni belgili. Belarýs ókili Iýrıı Byhovsevten basym túskennen keıin ol 114 satyǵa jaıǵasty.
Al sol keshtiń basty jekpe-jeginde Namıbııadan kelgen Ýolter Kaýtondokvany asa tartysty básekede upaı sanymen jeńgen qandasymyz Qanat Islam 12 satyǵa joǵarylap, bul kúnderi 17 oryndy ıelenýde.