Aqtaýda Sh.Esenov atyndaǵy KMTIÝ-de «Rýhanı jańǵyrý» baǵdarlamasyn júzege asyrý boıynsha О́ńirlik saraptaý keńesiniń kezekti otyrysy ótti. Otyrysty ýnıversıtettiń tárbıe isi jónindegi prorektory G.D. Amanııazova ashyp, júrgizip otyrdy. Keńeste Qazaqstannyń halyq jazýshysy, memleket jáne qoǵam qaıratkeri, Eńbek Eri Á.Kekilbaıulynyń «Uıqydaǵy arýdyń oıanýy» (1979) kitabynyń negizinde túsirilgen osy attas derekti fılmniń aldyn ala kórsetilimi bolyp, talqyǵa salyndy.
Fılmdi daıyndaýǵa tapsyrys bergen – Mańǵystaý oblystyq bilim basqarmasy. Derekti fılm negizinen oqýshylar men stýdentterge ólketaný baǵytynda, muǵalimderge ádistemelik qural retinde, jalpy kórermenge tanymdyq turǵyda arnaıy daıyndalǵandyqtan, onyń mazmuny men sapasy, kórkemdigi sarapshylar tarapynan muqııat qadaǵalandy. Jaýapkershilikti sezingen keńes músheleri belsendi qatysty.
Fılm rejısseri Aqbóbek Tóljan fılm jobasy jáne túsirý jumystary týraly qysqasha aqparat berdi.
50 mınýttyq «Uıqydaǵy arýdyń oıanýy» derekti fılmi kórsetilip, keńestiń ekinshi jartysy onyń mazmuny men sapasy, kórkemdigi turǵysynan talqylaýǵa ulasty. Oryndy syn-pikirler aıtylyp, áli de túzetýler men tolyqtyrýlar engiziletin boldy. Keńeste aıtylǵan pikirlerge shyǵarmashylyq toptyń prodıýseri Oralbek Sarybasov ta jaýap berdi. Kóterilgen máselelerdiń bári О́ńirlik saraptaý keńesiniń hattamasyna engizildi.
Mańǵystaý oblysy