Erkin kúresten Vengrııanyń astanasy – Býdapeshte ótip jatqan 23 jasqa deıingi balýandar arasyndaǵy álem birinshiliginde (U-23) Qazaqstan quramasynyń qorjynyna alǵashqy júlde tústi.
Aıtýly jarysta 57 kılo salmaq dárejesinde beldesken qazaqstandyq jas óren Adlan Asqarov bastapqy básekelerdiń barlyǵyn jeńispen aıaqtap, jartylaı fınalda ırandyq Álıreza Sardakty súrindirdi. Aqtyq aıqasta jerlesimiz Bostandyq aralynyń ókili Reınerı Endrıý Ortegamen kúsh synasty. Sheshýshi báseke kýbalyq balýannyń paıdasyna sheshilip, bizdiń Adlan kúmis medaldi moınyna ildi. Al qola júldeni joǵaryda esimi atalǵan Iran sportshysy men Ázirbaıjannyń sportshysy Afgan Hashalov ıelendi.
О́zge salmaq dárejelerinde ázirbaıjandyq Turan Baıramov (65 kılo), grýzııalyq Mırza Shhýlýhııa (70 kılo) men Tarıel Gafrındashvılı (79 kılo) jáne ırandyq Mojtaba Mohamedsharıf Goleıj (79 kılo) dara shyqty. Keshe erkin kúres sheberleri óz jarysyn aıaqtap, qyzdar arasyndaǵy báseke bastaldy. Erteń grek-rım kúresin serik etken saıypqyrandar boz kilemge shyǵady.