Almaty qalasy ákimdiginiń baspasóz qyzmeti qalanyń barlyq qar tazalaıtyn arnaıy tehnıkasy jumysqa 100% daıyn ekenin habarlady. Buǵan deıin «Qazgıdromettiń» aýa raıyn uzaq merzimdi boljaýy boıynsha Almatyda 5-10 jáne 23-30 qarasha aralyǵynda qar aralas jaýyn-shashyn bolýy múmkin»,- dep boljanǵan bolatyn.
Bıylǵy qys maýsymyda qar tazalaýmen 993 arnaıy tehnıka jáne 1320 jol jumysshylary aınalysady. Eger qar qalyń jaýatyn bolsa, qosymsha 150 samosval mashınalary tartylmaq.
Oqystan bolatyn oqıǵalardyń aldyn alý úshin joldy tazalaýǵa ketetin ýaqyt normatıvin eskere otyryp, barlyq arnaıy tehnıkalar qozǵalystarynyń baǵyttary jáne bekitilgen ýchaskedegi qar tazalaý tehnologııasy boıynsha jattyǵý sabaqtary ótetin bolady.
«Almaty tazalyq» MQK qar tazalaý jumystaryn tıimdi uıymdastyrý úshin qala turǵyndary men qonaqtaryn kólikterin ruqsat etilmegen jerlerde qaldyrmaýǵa jáne jolda bolatyn keptelisterge túsinistikpen qaraýǵa shaqyrdy.