Halyqaralyq kezdesýde múmkindikterimiz tanystyryldy

Birinshi kúni Q.Mámı Indo­ne­zııa Respýblıkasy Konstı­tý­sııalyq Sotynyń tóraǵasy Anvar Ýsman myrzamen ekijaq­ty kezdesý ótkizdi. Taraptar kons­tıtýsııalyq ádilet organ­darynyń fýnksııalaryn iske asyrý máseleleri boıynsha pikir almasty. Kelissózder qory­tyn­dysy boıynsha Qa­zaq­stan Konstıtýsııalyq Keńesi men Indo­nezııa Konstıtýsııalyq Soty ara­synda yntymaqtastyq týra­­ly memorandýmǵa qol qoıyl­­dy. Ol Konstıtýsııa ústem­digin qamtamasyz etý sa­la­syn­daǵy eki organnyń ózara is-qı­my­lyn jańa deńgeıge kóterýge baǵyttalǵan.

3 qarashada Azııa kons­tı­­tý­­sııalyq sottary jáne bala­ma ınstıtýttar qaýymdas­tyǵynyń (AASS) Músheleri komıtetiniń otyrysy ótti. Uıymnyń qura­myna jańa músheler – Úndis­tannyń jáne Maldıv Respýb­lı­kasy­nyń Joǵarǵy sottary qa­byldandy.

Elimizdiń Konstı­tý­sııa­lyq Keńesi aldaǵy eki jylǵa Azııa kons­tı­týsııalyq sottary men ba­lama ınstıtýt­tar qaýymdas­ty­ǵynyń tór­aǵasy bolyp biraýyz­dan saı­landy. Otyrysta kelesi jyly Nur-Sultan qalasynda Qaýym­das­tyqtyń 4-kongresin ótkizý máseleleri de talqylandy.

4 qarashada Qazaqstan de­le­­ga­sııa­synyń basshysy In­do­nezııa Konstı­tý­sııalyq Soty­nyń «Kons­tıtýsııalyq Sot já­ne áleýmettik-eko­no­mıkalyq qu­­qyqtardy qor­ǵaý» ta­qy­­­ry­byn­daǵy 3-shi Halyq­ara­lyq sımpo­zıý­mynyń ashy­lý rásimine qa­tysty. Forým qatysýshy­lary­na Indo­nezııanyń Vıse-prezıdenti Maarýf Amın myrza qut­tyqtaý sóz sóıledi.

Paneldik sessııalarda Qazaq­stan Konstıtýsııalyq Keńesi­niń tóraǵasy baıandama jasap, aza­mattardyń áleýmettik-ekono­mıkalyq qu­qyqtaryn qorǵaý máse­le­lerine qatysty elimizdiń sheshimderimen tanystyrdy.

Konstıtýsııanyń birin­shi ba­byna sáıkes Qazaqstan  ózin áleýmettik mem­leket retinde ornyq­ty­rady. Bul norma Qazaqstan óz azamat­tarynyń laıyqty ómir súrýi jáne jeke tul­ǵanyń erkin damýy úshin mem­lekettiń múmkin­dik­terine barabar jaǵdaı jasaý min­detin ózine alatyn memleket re­tinde da­mýǵa nıetti ekenin bil­diredi. Áleý­­mettik jáne ekono­mı­kalyq qu­qyq­tardy qamtamasyz etý mem­­le­kettiń turaqty da­mýy já­ne qo­ǵamdyq senim úshin úlken ma­ńyzǵa ıe, dedi Q.Mámı.