Búgin Almaty qalasynda Memleketaralyq úılestirý sý sharýashylyǵy komıssııasynyń (MÚSK) 77-shi otyrysy ótti. Bul týraly Ekologııa, geologııa jáne tabıǵı resýrstar mınıstrliginiń baspasóz qyzmeti habarlady.
Memleketaralyq úılestirý sý sharýashylyǵy komıssııasynyń 77-shi otyrysyna Qazaqstan Respýblıkasynyń Ekologııa, geologııa jáne tabıǵı resýrstar vıse-mınıstri Gromov Sergeı, Qazaqstan Respýblıkasynyń Ekologııa, geologııa jáne tabıǵı resýrstar mınıstrliginiń Sý resýrstar komıtetiniń Tóraǵasy Turlybek Arman, О́zbekstan Respýblıkasynyń Sý sharýashylyǵy mınıstri Hamraev Shavkat, Tájikstan Respýblıkasy Energetıka jáne sý resýrstary mınıstrligi sý-energetıka saıasaty, ǵylym men tehnıkany damytý basqarmasynyń bastyǵy Daler Abdýrazokzoda, Túrikmenstannyń Sý sharýashylyǵy memlekettik komıteti tóraǵasynyń orynbasary Dovletmýrad Mammedov qatysty.⠀⠀⠀Otyrys barysynda Syrdarııa jáne Ámýdarııa ózenderiniń basseınderi boıynsha 2019 jylǵy vegetasııalyq kezeńde sý qoımalary kaskadtarynyń jumys rejımi men lımıtterin paıdalaný qorytyndylary talqylandy.
Kelissózder qorytyndysy boıynsha 2019-2020 jyldar aralyǵynda Syrdarııa jáne Amýdarııa ózenderiniń basseınderi boıynsha elderdiń sý alý lımıtteri men sý qoımalary kaskadtarynyń boljamdyq jumys rejımi bekitildi.⠀⠀⠀Sondaı-aq 2018 jylǵy 24 tamyzda Túrkmenbashı qalasynda ótken Sammıtte aıtylǵan HAQQ quryltaıshy memleketter basshylarynyń bastamalaryn iske asyrý jónindegi MÚSK ǴAO aqparaty qaraldy.⠀⠀⠀Memleketaralyq úılestirý sý sharýashylyǵy komıssııasynyń kezekti 78-shi otyrysy Túrikmenstannyń astanasy Ashhabad qalasynda 2020 jyldyń birinshi onkúndiginde ótedi.