Qazaqstan Respýblıkasy UQK Shekara qyzmetiniń ortalyq apparatynda taıaýda dástúr boıynsha donor kúni uıymdastyryldy. Nur-Sultan qalasyndaǵy Respýblıkalyq transfýzıologııalyq ǵylymı-óndiristik ortalyǵynyń mamandaryna 50 áskerı qyzmetshi óz erikterimen donorlyq qan tapsyrdy. Is-sharaǵa Shekara qyzmetiniń Áskerı-medısınalyq basqarmasy muryndyq boldy. Shekarshylardyń bul is-sharany uıymdastyrýdaǵy basty maqsaty halyqtyń densaýlyǵyna úles qosyp, aýyr naýqastardyń saýyǵyp ketýine «qarlyǵashtyń qanatymen sý sepkendeı» bolsa da qoldan kelgen kómekterin kórsetý bolyp otyr.