«Berlemont» ǵımaratynda – Eýropalyq komıssııanyń ortalyq shtab-páterinde Qazaqstan men О́zbekstanda aýǵan áıelderin oqytý boıynsha Eýropalyq Odaqtyń birlesken bilim berý baǵdarlamasyn iske qosý saltanatty rásimi ótti. Bul týraly Syrtqy ister mınıstrliginiń baspasóz qyzmeti habarlady.
Is-sharaǵa О́zbekstan Syrtqy ister mınıstri Abdýlazız Kamılov, Qazaqstan Syrtqy ister mınıstriniń orynbasary Roman Vasılenko, Aýǵanstannyń EO janyndaǵy Elshisi Nazıfýlla Salarzaı, Eýropalyq syrtqy is-áreketter qyzmetiniń basshylyǵy, Halyqaralyq damý jáne yntymaqtastyq jónindegi Eýrokomıssııanyń Bas dırektory, sondaı-aq BUUDB men BUU-Áıelder joǵary ókilderi qatysty.
R.Vasılenko óz sózinde Aýǵanstandaǵy turaqtylyqqa járdemdesý jáne Ortalyq Azııadaǵy aımaqtyq beıbitshilik aımaǵyn qalyptastyrý Qazaqstannyń syrtqy saıasatynyń mańyzdy basymdyqtarynyń biri bolyp tabylatynyn taǵy da rastady.
EO, Qazaqstan jáne О́zbekstannyń úshjaqty bilim berý baǵdarlamasy aýǵan áıelderiniń quqyqtary men múmkindikterin keńeıtýdi qoldaý arqyly osy maqsatqa qol jetkizýge yqpal etýi tıis.
Osy bastama aıasynda 2025 jylǵa deıin Qazaqstannyń joǵary oqý oryndarynda Aýǵanstannan kelgen 40 stýdentti oqytý josparlanýda. Oqytý aýyl sharýashylyǵy, qoldanbaly statıstıka jáne taý-ken isi sııaqty mamandyqtar boıynsha júzege asyrylatyn bolady. Taǵy 10 qyz О́zbekstanda aýyl sharýashylyǵyn meńgeretin bolady.
R.Vasılenko EO-ǵa osy baǵdarlamany iske qosý jónindegi qazaqstandyq usynysty qoldaǵany úshin, atap aıtqanda, ony qarjylandyrýǵa 2 mln.eýro bólgeni úshin alǵysyn bildirdi. Ol sondaı-aq BUUDB men BUU-Áıelder uıymyna baǵdarlamanyń praktıkalyq ımplementasııasyn óz moınyna alǵany úshin rızashylyǵyn jetkizdi.
Onyń aıtýynsha, «baǵdarlama Ortalyq Azııa elderi yntymaqtastyq pen ózara túsinistiktiń jańa kórinisi aıasynda óńirdiń ortaq damýy úshin tıimdi sheshimderdi birlesip usyna alatyn jáne júzege asyratyn tamasha úlgi bolyp tabylady». Sonymen qatar, bul bastama Brıýssel men Ortalyq Azııa astanalarynyń Ortalyq Azııa boıynsha Eýroodaqtyń jańa Strategııasyn is júzinde iske asyrý boıynsha tıimdi sheshimder usynýǵa daıyndyǵyn kórsetedi.
Qazaqstandyq dıplomat qyrkúıekte Nıý-Iorktegi BUU BA-nyń 74-shi sessııasynda sóılegen sózinde Prezıdent Qasym-Jomart Toqaev Almatyda óz qyzmetimen Ortalyq Azııany da, sondaı-aq Aýǵanstandy da qamtıtyn Turaqty damý maqsattary boıynsha О́ńirlik ortalyq qurýdy usyndy. Búgingi kúni iske qosylǵan baǵdarlama on jeti maqsattyń altaýyn – sapaly bilim (№4 maqsat), genderlik teńdik (№5 Maqsat), laıyqty jumys jáne ekonomıkalyq ósý (№8 maqsat), teńsizdikti azaıtý (№10 maqsat), beıbitshilik, ádil sot jáne tıimdi ınstıtýttar (№16 maqsat) jáne turaqty damý múddesindegi áriptestik (№17 maqsat) qamtıdy.
«Biz aldaǵy ýaqytta bul baǵdarlama óziniń qundylyǵy men tabystylyǵyn dáleldeıdi dep úmittenemiz, bul, buryn josparlanǵandaı, ony keńeıtýge baǵyttalǵan jumysty júrgizýge múmkindik beredi. Ol Eýrazııadaǵy, Ortalyq Azııadaǵy, Eýropalyq Odaqpen, ásirese Aýǵanstanmen yqpaldasa otyryp oǵan qatysty yntymaqtastyqtyń jańa tetikterdiń prototıpine aınalady dep senemiz», - dep málimdedi mınıstrdiń orynbasary.
A.Kamılov ta, R.Vasılenko da óz baıandamalarynda halyqaralyq qoǵamdastyqty Aýǵanstandy problema retinde emes, jańa múmkindikter kózi retinde qarastyrýǵa shaqyrǵanyn atap ótken jón.
Is-shara aıasynda Eýropalyq syrtqy is-áreketter qyzmeti, BUUDB jáne basqa da qurylymdar atynan, sondaı-aq Aýǵanstannyń EO janyndaǵy Elshisi atynan sóılegen sózderinde osy baǵdarlamanyń bastaýshysy bolyp, iske asyrǵany úshin Qazaqstan men О́zbekstan tarapyna joǵary baǵa men alǵys sózder aıtyldy. Qazaqstannyń 2017-2018 jyldary BUU Qaýipsizdik Keńesine múshe bolǵan kezinde, ásirese 2018 jylǵy qańtarda QK-degi tóraǵalyǵy sheńberinde Aýǵanstandy turaqtandyrýǵa qosqan úlesi erekshe atap ótildi.
Saltanatty shara aıasynda BUU Damý Baǵdarlamasy aýǵan qyzdarynyń tarıhyn baıandaıtyn, sondaı-aq olardyń Qazaqstanda alatyn biliminiń aldaǵy ýaqytta úlken múmkindikter ashatyny týraly suhbattaryn kórsetetin beıne-rolık usyndy.