Basketboldan VTB lıgasynyń kezekti týr oıynyn Nur-Sultannyń «Astanasy» Saratovta jergilikti «Avtodor» klýbyna qarsy ótkizdi.
Alǵashqy eki kezeń 20:19 jáne 27:23 esebimen alań ıeleriniń paıdasyna sheshildi. Esesine úshinshi kezeńde jerlesterimiz qarqynyn kúrt kúsheıtip, 23:15 esebimen jeńiske jetti. Osylaısha, «Astana» úsh upaımen aıyrmashylyǵymen alǵa shyqqan edi. Alaıda sońǵy kezeńde «Avtodor» alymdy kórindi – 28:20. Nátıjesinde bul kezdesý 90:85 esebimen Saratov basketbolshylarynyń jeńisimen aıaqtaldy.
VTB lıgasynyń bıylǵy maýsymynda alty kezdesý ótkizip úlgergen «Astana» sol básekelerdiń teń jartysyn utyp, teń jartysynda utyldy. Qazir olar jarys kestesinde segizinshi orynda keledi. О́ziniń kelesi kezdesýin jerlesterimiz 25 qarashada Nur-Sultanda Tallınniń «Kalev» klýbyna qarsy ótkizedi.