Jýyrda Almaty oblysy Ile aýdanyna qarasty Qaraoı aýylynda kásipqoı bokstan jarys ótti. Osy boks keshinde toǵyz jup judyryqtasty.
Reıtıngtik básekelerde Qazaqtyń Sport jáne týrızm akademııasynyń stýdentteri óte tamasha óner kórsetti. Bul komandany Qaraoıǵa atalmysh akademııanyń boks kafedrasynyń meńgerýshisi Taıyrjan Ysqaqov pen elimizge eńbek sińirgen jattyqtyrýshy Dastan Sádýaqasov baptaǵan ákeldi. Sol keshte óner kórsetken jeti jigittiń barlyǵy da óz jekpe-jekterin jeńispen aıaqtady. Atap aıtsaq, Dáýlet Moldashev (52 kılo) Shyǵyshan Toqtamysty, Jasulan Erjan (57 kılo) Israfıl Músilimovti, Erqanat Saǵatbek (63 kılo) Latıf Týhýevty, Samat Úısinbaı (66 kılo) Erlan Ersaıynovty, Maqsat Kóbetaı (69 kılo) Almat Toqabaevty, Manas Qurbanov (75 kılo) Ramzan Saıtovty jáne Danııar Raqymberdınov (81 kılo) Aıbek Aıtqalıevti utty.
Sonymen qatar Almaty qalasynda ornalasqan «Shańyraq» sport mektebiniń túlegi Asan Erýbek (63 kılo) pen «Abylaıhan» klýbynyń múshesi Nurym Qabdýahıt arasyndaǵy aıqas alǵashqysynyń paıdasyna sheshildi. Al osy boks keshiniń basty jekpe-jeginde «Daryn» klýbynyń ókili Baýyrjan Saıanuly men «Shańyraq» sport mektebiniń tastúlegi Almat Aqylbekov kúsh synasty. Bul básekede Baýyrjannyń baǵy jandy.