Búkilálemdik boks uıymy (WBO) túrli salmaq dárejesi boıynsha óziniń jańa reıtıngin jarııa etti.
Taıaýda ǵana Almatydaǵy Balýan Sholaq atyndaǵy Sport saraıynda 10 raýndtyq jekpe-jekte nıgerııalyq Ýolter Kaýtondokvany upaı sanymen utyp, ort salmaqta WBO International nusqasy boıynsha altyn belbeýdi ıelengen qandasymyz Qanat Islam úsh satyǵa kóterilip, qazirgi kezde besinshi oryndy ıelenýde.
10 qarashada AQSh-tyń Fresno qalasynda Jánibek Álimhanuly kanadalyq Albert Onolýnoseni altynshy raýndta uryp jyǵyp, ózine tıesili WBC Continental Americas jáne WBO Global nusqalarynyń chempıondyq ataqtaryn qorǵap qalǵan edi. Osy jeńisiniń arqasynda qazaq boksshysy orta salmaq dárejesi boıynsha 13-orynnan altynshy satyǵa joǵarlady.
Sondaı-aq Qazaqstannyń qos óreni – Aıdos Erbosynuly men Janqosh Turarov ta WBO nusqasy boıynsha úzdik ondyqtyń qatarynda.