Soltústik Qazaqstan oblysyndaǵy Aqjar aýdanynyń ortalyǵy Talshyq aýylynda sholaq myltyqpen qarýlanǵan belgisiz bireýler «Talshyq Astyq LTD» JShS basshysyn qorqytyp, ǵımaratqa basyp kirip, 170 mıllıonnan astam teńge men 2 uıaly telefondy tartyp áketken.
Bul oqıǵa keshe 19 saǵat 15 mınýt shamasynda bolǵan. Qaraqshylar sany tórt adam ekeni belgili bolyp otyr. Atalǵan fakti Qylmystyq kodekstiń «Qaraqshylyq» baby boıynsha sotqa deıingi tergep-tekserýlerdiń biryńǵaı tizilimine engizildi. Aýdan ortalyǵynda bolǵan óreskel qylmys turǵyndardyń alańdaýshylyǵyn týdyrýda.
Shekten shyqqan qylmysty ashýdy oblystyq Polısııa departamentiniń bastyǵy, polısııa polkovnıgi Marat Tólebaev jáne oblystyq prokýror Baǵban Taıymbetov ózderiniń baqylaýyna aldy. Júrgizilip jatqan jedel-tergeý is-sharasyna barlyq patrýlder men jasaqtar, oblystardyń Polısııa departamentteri jumyldyryldy.
Soltústik Qazaqstan oblysy