Elordalyq polısııa qyzmetkerleri jeke sektorda «jyldamdyq» jáne «Amfetamın» dep atalatyn sıntetıkalyq esirtki jasap, ony satýǵa daıyndaǵan zerthanany anyqtady.
Esirtki óndirisin Ekibastuz qalasynyń turǵyny uıymdastyrǵan.
Kúdikti jalǵa alǵan turǵyn úı-jaıdy tintý kezinde sıntetıkalyq esirtki óndirý úshin paıdalanylatyn hımııalyq zattar, psıhotroptyq zattar salynǵan kolbalar, hımııalyq formýlalar jazylǵan dápterler, ólsheý tarazylary men gazqaǵarlar, sondaı-aq esirtki daıyndaý kezinde qoldanǵan jeke hımııalyq qorǵaý kostıými alyndy.
Sondaı-aq jedel qyzmetkerler satýǵa daıyndalǵan 1500-den astam bir rettik esirtki mólsherin aldy.
Mamandar sıntetıkalyq esirtki óndirý kezinde hımııalyq reaksııalardyń erekshelikterine baılanysty ózdiginen janý, jarylys qaýpi bar ekenin atap aıtty. Bólinetin kúıdirgish gaz adamnyń densaýlyǵyna orny tolmas zııan keltirýi múmkin.
Sondyqtan zerthanany joıýdy IIM Tótenshe jaǵdaılar komıtetiniń qyzmetkerleri hımııalyq qorǵaý kıimderimen júzege asyrdy.
Ustalǵan azamattyń aıtýynsha, ol jalǵa berýshige ótkir ıisti avtomobılderge boıaý jasaıtyndyǵymen túsindirgen.
Qazirgi ýaqytta ustalǵan azamat qamaýǵa alyndy. «Esirtki zattardy, psıhotroptyq zattardy jáne sol tektesterdi ótkizý maqsatynda zańsyz daıyndaý, óńdeý, ıemdenip alý, saqtaý, tasymaldaý, jóneltý nemese satý týraly» QR Qylmystyq kodeksiniń 297-babynyń 3-bóligi boıynsha sotqa deıingi tergeý júrgizilýde, onda múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy kózdelgen.
Qylmysqa qatysýshylardy anyqtaý jáne ustaý boıynsha jedel-izdestirý is-sharalary júrgizilýde.