Pákistan men Úndistan tennısshileri arasyndaǵy Devıs kýbogynyń irikteý týrnıri ústimizdegi jyldyń 29-30 qarasha aralyǵynda Nur-Sultanda ótedi.
Joǵaryda atalǵan qos memleket arasyndaǵy saıası jaǵdaıdyń talaı jyldan beri ýshyǵyp turýy Halyqaralyq tennıs federasııasynyń osyndaı sheshim qabyldaýyna túrtki boldy. Sol sebepti de aıtýly uıym Pákistan men Úndistan quramalarynyń ózara básekesin beıtarap elde, ıaǵnı Qazaqstanda ótkizýdi qup kórdi. Al Azııa men Muhıt jaǵalaýy elderiniń irikteý týrnırinde top jarǵan komanda osy jarystyń negizgi kezeńine joldama alý úshin kelesi jyly Horvatııa tennısshilerimen sheberlik baıqasady.
Sonymen qatar, 2020 jyly ótetin Devıs kýbogy jolyndaǵy jarystyń irikteý týrnırinde Qazaqstannyń órenderi qaıta Gollandııa quramasymen kezdesetin boldy. Esterińizge sala keteıik, jýyrda ǵana aıtýly dodanyń fınaldyq kezeńinde dáp osy komandany bizdiń jigitter 2:0 esebimen jeńgen edi.