Bul týraly Syrtqy ister mınıstrliginiń baspasóz qyzmeti habarlady.
«Aǵymdaǵy jyldyń 27 qarashasynda Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha júzege asyrylǵan gýmanıtarlyq aksııa nátıjesinde Iraktan Qazaqstanǵa Irak túrmesinde óz analarymen jatqan 14 qazaqstandyq bala qaıtaryldy. Olardyń analary sottalyp, túrmede terrorıstik áreketke qatystylyǵy úshin jazasyn ótep jatyr.
Atalmysh gýmanıtarlyq aksııa balalardyń analary men týǵan-týystarynyń suraýy boıynsha Syrtqy ister mınıstrligi birqatar memlekettik organdarmen, otandyq úkimettik emes qurylymdarmen jáne halyqaralyq uıymdarmen tyǵyz baılanysa otyryp júzege asyrdy.
Iraktyń bıligine jáne osy aksııany júzege asyrýǵa atsalysqan barlyq tulǵalar men uıymdarǵa kórsetken kómegi men qoldaýy úshin shynaıy alǵysymyzdy bildiremiz.
Qujattandyrý úderisi men ońaltý kezeńi aıaqtalǵannan keıin balalar óz týystarymen qaýyshatyn bolady.
2019 jyl Qazaqstan Respýblıkasy men IýNISEF úshin mańyzdy. Osydan týra 30 jyl buryn BUU-nyń Bala quqyqtary týraly Konvensııasyna qol qoıyldy, al aqpan aıynda bizdiń osy Konvensııany ratıfıkasııalaǵanymyzǵa 25 jyl toldy», delingen habarlamada.