Kelisim – el yrysy

Jıynǵa Qazaqstan Respýb­lıka­synyń Memlekettik hatshysy Qyrymbek Kósherbaev, Qazaqstan halqy Assambleıasy Tóraǵasynyń orynbasary –Hatshylyq meńgerýshisi Janseıit Túımebaev, Aqparat jáne qoǵamdyq damý mınıstri Dáýren Abaev, Parlament depýtattary, memlekettik organdardyń basshylary, QHA músheleri, respýblıkalyq jáne óńirlik etnomádenı birlestikterdiń ókil­deri, óńirlik assambleıa­lar hatshylyqtarynyń meń­ge­rý­shileri, QHA Ǵylymı-sarap­tamalyq keńesiniń múshe­leri, ǵylymı-shyǵarmashy­lyq zııaly qaýym, jastar, BAQ ókilderi qatysty.

Otyrys barysynda Qazaq­stannyń Tuńǵysh Prezıdenti – Elbasy Nursultan Nazarbaev­tyń Qazaqstan hal­qy Assam­bleıasynyń XXVII sessııasynda bergen tap­syrma­larynyń oryndalý barysy, Assambleıanyń etno­mádenı birlestikterin qoǵam­dyq akkredıtteýdiń qory­tyndylary, Almaty oblystyq assambleıasynyń jumys táji­rıbesi, sondaı-aq «Rýhanı jań­ǵyrý» baǵdarlamasynyń iske asyrylýy, Shymkent qalasy QHA-nyń jumys tájirıbesi jáne birqatar uıymdyq máseleler qarastyryldy.

– Qazaqstan halqy Assam­bleıasy Keńesiniń keńeıtilgen otyrysyna jyl sońynda jınalyp otyrmyz. Bul – atqarylǵan jumysty qorytyndylap, alda turǵan mindetterdi aıqyndaıtyn kezeń. 2019 jyly Assambleıa qo­ǵamda belsendi jumys at­qar­ǵanyn atap ótýimiz kerek. Bıyl ótken kezekten tys pre­zıdenttik saılaýǵa qatysyp, júrgizilip jatqan saıası baǵytqa qoldaý bildirildi. Arysta bol­ǵan oqıǵaǵa baılanysty gýma­nıtarlyq kómek aksııasy uıym­dastyrylyp, Assambleıa óziniń azamattyq ustanymyn tanytty, – dedi Qyrymbek Kósherbaev.

Memlekettik hatshy óz sózinde halyq birligin qamtamasyz etý isi árqashan memlekettik saıasattyń mańyzdy basymdyǵy ekenin jáne solaı bolyp qala beretinin jetkizdi. Qazaqstan halqy As­sam­bleıasy birlikti nyǵaıtý jolynda mańyzdy ról atqarady. Assambleıany, onyń qoǵamdaǵy róli men bedelin nyǵaıtý úshin qajetti tujyrymdamalyq, qu­qyqtyq negizder jasalǵan.

Q.Kósherbaev Assambleıanyń al­daǵy ýaqytta  atqaratyn bir­­qatar basym mindetterin, atap aıtqanda, 2020 jyly QHA-nyń 25 jyldyǵyna jáne Memleket basshysynyń «Syn­darly qoǵamdyq dıalog – Qazaq­stannyń turaqtylyǵy men órkendeýiniń negizi» atty Jol­daýyn iske asyrýǵa arnalǵan is-sharalardy joǵary deńgeıde ótkizý, sondaı-aq jumystyń ǵylymı-taldamalyq baǵytyn kú­sheıtý qajettigin atap ótti.

Qazaqstannyń Tuńǵysh Pre­zıdenti - Elbasy Nursultan Nazarbaev Qazaqstan halqy Assambleıasynyń XXVII sessııa­synda Aqparat jáne qoǵamdyq damý mınıstrligi men Syrtqy ister mınıstrligine birqatar tapsyrma bergen bolatyn. Medıasııa ınstıtýty arqyly daýly máselelerdiń sheshimin tabý, qoǵamdyq keńes ınstıtýttaryn jetildirý, Qazaqstan halqy Assambleıasynyń 25 jyl­dyǵyna ázirlik jumystary týraly Dáýren Abaev baıandady.

– Daý-damaıdy sotqa jet­kizbeı sheshý ınstıtýtta­rynyń damýy – adamdar arasynda paıda bolǵan daý-damaıdyń aldyn alýdyń tıimdi joly ekeni daýsyz. Bul rette, bizdiń taraptan memleket pen qoǵamnyń ózin-ózi retteýge degen múmkindigin arttyrýǵa qatysty jobalar engizilýde. «Medıasııa týraly» zań medıasııany júıeli uıymdastyrý kezinde qoǵamdyq qarym-qatynasty retteýge negiz­delgen. Osy kúni Parlament depý­tattarynyń bastamasy boıynsha atalǵan zańǵa ózgerister men túzetýler engizý josparlanýda. Nátıjesinde, medıasııany qoldaný aıasy keńeıtiledi, – dedi Dáýren Abaev.

Aqparat jáne qoǵamdyq damý mınıstri Elbasy bergen tapsyrmalar boıynsha at­qarylyp jatqan jumystarǵa toqtalyp, Qazaqstan halqy Assambleıasynyń 25 jyldyǵyn uıymdastyrý jáne ótkizýge qatysty ulttyq is-sharalar jos­pary ázirlengenin alǵa tartty.