Jastar Tuńǵysh Prezıdent týraly oılarymen bólisti

Sharaǵa qatysqan joǵary oqý oryndarynyń stýdentteri, kolledj stýdentteri, jastar birles­tik­teriniń ókilderi, Jas Otan jas­tar qanatynyń belsendileri Elba­synyń qaıratkerlik qyry men jastarǵa aıryqsha qamqor­lyǵyna qatysty oılarymen bólisti.

 «Nursultan Nazarbaev – elimizdiń astanasyn kóshirgen uly tulǵa, qaıratker. Sebebi qıyn-qystaý kezeńde, aýyr ekonomıkalyq jaǵdaıda ol elordany Almatydan Aqmolaǵa kóshirý týraly batyl sheshim qabyl­dady. Árıne, bul bastama úlken synǵa ushyrady. Biraq ýaqyt óte kele bul bastamanyń stra­te­gııalyq mańyzy bar ekeni dáleldendi. Búginde jańa Qazaq­stan astanasynyń fenomeni búkil álemge tanymal. 20 jyl ishinde qala týrıster men ınvestorlardy tartatyn zama­naýı megapolıske aınaldy. Nur­sultan Nazarbaevtyń tarıhı eńbegi elimizdiń keıingi urpaq­taryna úlgi bolýy tıis», – dedi Jas Otan jastar qanatynyń tóraǵasy Dáýlet Káribek tilshi­lerge bergen suhbatynda.

Is-sharaǵa qatysqan qazaq­stan­dyq ǵaryshker Aıdyn Aıym­betov, jas ǵalym, doktorant Ásııa Ermuhambetova, «Atameken» UKP tóraǵasynyń orynbasary Oljas Ordabaev Elbasy bastamalary ózderiniń azamat retinde qalyptasýyna jáne jeke tulǵa retinde ósýine yqpal etkenin aıtyp, óz estelikterimen bólisti. «Elbasy shaǵyn jáne orta bıznesti eldiń áleýetin arttyratyn, ekonomıkasynyń draıveri bola­t­yn qurylym retinde aıshyq­tap kórsetken bolatyn. Sondaı-aq Jas­tar jylynyń ashylý salta­natynda, Elbasy «Jas kásip­ker», jastardy grantpen qo­l­daý sekildi birneshe bastama týraly aıtty. Osynyń bári Elba­sy­nyń kásipkerlikke, ásirese jastar kásipkerligine degen erekshe qam­qorlyǵy men senimi dep bile­min», – dedi «Atameken» UKP tóraǵa­sy­nyń orynbasary Oljas Ordabaev.