Aqtaýda tanymal jazýshy, ádebıettanýshy, aýdarmashy, pýblısıst jáne qazaq eliniń patrıoty Gerold Belgerdiń týǵanyna 85 jyl tolýyna oraı oblystyq «Vıdergebýrt» nemis etnomádenı ortalyǵy oblystyq ámbebap kitaphanamen birlese ádebı kesh ótkizdi. Bul týraly Mańǵystaý oblysy Assambleıa hatshylyǵynyń baspasóz qyzmeti habaraldy.
Is-sharaǵa oblystyq etnomádenı birlestik ókilderi, mektep oqýshylary qatysty.
«Birinshi tiregim – ata-anam. Ekinshi rýhanı tiregim – qazaqtyń aýyly. Jaqsylyqtyń bárin men qazaq aýylynan aldym. Ol kezdegi qazaqtar búgingiden ózgesheleý bolatyn. Áldeqaıda mádenıettileý, baýyrlastyq jaǵynan áldeqaıda keń peıildi bolatyn. Júregi altyn adamdar edi. Qazir men ondaı qazaq kórmeımin. Qazaqtar qazir quldyrap tómendep, óziniń bar qasıetinen birtindep aıyrylyp kele jatqan sııaqty. Úshinshi rýhanı tiregim – kitap. Kishkentaıymnan kitapqa áýes boldym. Kóp oqydym. Úsh tilde. Meni adam qylǵan osy meniń rýhanı úsh tiregim» degen G.Belgerdiń shyǵarmashylyǵy jaıly oı órbitken birlestik ókilderi jınalǵandarǵa keńinen málimet berdi. Ulty nemis bolsa da, júregi qazaq dep soqqan jazýshynyń ómiri men shyǵarmashylyǵy jóninde derekti fılm kórsetildi. Tanymal jazýshy 81 jasqa qaraǵan shaǵynda dúnıeden ozdy.
Kezdesýge qatysqan mektep oqýshylary onyń qaıtalanbas týyndylary jaıynda biraz málimetke qanyqty.
Mańǵystaý oblysy