Syrtqy ister mınıstri Muhtar Tileýberdi Qaraǵandy oblysyndaǵy «Saryarqa» arnaıy ekonomıkalyq aımaǵynda bolyp, sheteldik kapıtaldyń qatysýymen jumys istep jatqan birqatar kásiporyndardyń qyzmetimen tanysty. Sapar aıasynda ekonomıkalyq aımaq qyzmetiniń erekshelikteri men sheteldik ınvestısııalardy tartý múmkindikteri talqylandy. Bul týraly SIM baspasóz qyzmeti habarlady.
«Biz sizdiń arnaıy ekonomıkalyq aımaqty jáne sheteldik ınvestorlarǵa ne usyna alatynymyzdy kórý úshin keldik. Bul jerde ınvestısııa tartý úshin qolaıly jaǵdaı jasalǵan, jumys istep turǵan kásiporyndardy úlgi retinde tarta alamyz. Biz osy ekonomıkalyq aımaqta mashına jasaýdy damytý úshin osyndaı trendti belgilegimiz keledi», - dep atap ótti SIM basshysy.
Is-sharanyń qorytyndysy boıynsha aımaqtyń damýy týraly tórt jaqty qujatqa qol qoıyldy, oǵan Syrtqy ister, ındýstrııa jáne ınfraqurylymdyq damý mınıstrlikteri, Qaraǵandy oblysynyń ákimdigi jáne Qazaqstan mashına jasaýshylar odaǵy qol qoıdy.
«Saryarqa» AEA 2011 jyldyń qarasha aıynda quryldy. 600 ga alańda 15 qatysýshy tirkelip, 7 joba iske asyryldy, al taǵy 8 joba iske asyrylý satysynda. Salynǵan ınvestısııa kólemi 90 mlrd teńgeden asty.