Eýrazııa Jazýshylar odaǵynyń basshysy Iаkýp О́meroǵly «Egemen Qazaqstan» gazetiniń 100 jyldyq mereıtoıymen quttyqtaý hatyn jiberdi.
Halyqaralyq uıymnyń tóraǵasy qazaq baspasóziniń qara shańyraǵy «Egemen Qazaqstan»gazetin qurylǵanyna 100 jyl tolýymen Eýrazııa Jazýshylar odaǵynyń atynan quttyqtaıtynyn aıtyp, jyly lebizderin joldaǵan.
«Eýrazııa qurlyǵymen ádebı jáne mádenı baılanys ornatqan jazýshylar qurylymynyń basshysy retinde bir ǵasyrlyq tarıhynda ózindikjolyn qalyptastyrǵan, zaman kóshine saı ilesip keletin basylymnyń jańalyqtarynan habardarmyn. Basylymnyń negizgi oqyrmandaryqazaqstandyqtar bolsa da, dızaıny, habarlary arqyly álem basylymdary arasynda Qazaqstan jýrnalıstıkasynyń aınasy ispettes. Siz basqaryp otyrǵan gazet birneshe ǵasyrlyq baspa tarıhy bar elderdiń gazetterinen kem túspeıtin basylymǵa aınaldy.
Túrki áleminiń kóshbasshysy Nursultan Nazarbaevtyń «Rýhanı jańǵyrý», «Uly dalanyń 7 qyry» sııaqty maqalalary men Memleket basshysy Qasym-Jomart Toqaev, Qazaqstan Úkimetine qatysty naqty ári mazmundy habarlardy gazetten oqı alý múmkindigi qýantady. Sonymen qatar «Egemen Qazaqstan» gazetinde Túrki álemi ádebıeti men mádenıetiniń jaýharlarynyń kórinis tabýy biz úshin mártebe.
Jas ári jigerli gazet ujymyn 100 jyldyq mereıtoıymen quttyqtaı otyra, basylym tarıhyna eńbegi sińgenderge uzaq ómir, dúnıeden ótken ardagerlerge rahym tileımin» delingen quttyqtaý hatynda.