Aqtóbe oblysy boıynsha qarjy polısııasy departamentine M. degen azamattan Aqtóbe bólimshelik kóliktegi memlekettik sanıtarlyq-epıdemıologııalyq qadaǵalaý basqarmasynyń jetekshi mamany J.О́tegenovtiń Aqtóbe stansasynda saýda ornyn ashýǵa ruqsat bergeni úshin ózinen 200 AQSh dollary kóleminde para alǵany týraly shaǵym tústi. Shuǵyl izdestirý sharalaryn júrgizý barysynda departament qyzmetkerleri J.О́tegenovti para alǵanyna bultartpaıtyn aıǵaqtarmen ustap, oǵan qatysty Qylmystyq kodekstiń 311 baby, 2-bólimi boıynsha para alǵany úshin is qozǵaldy. Qylmysy dáleldengen paraqor Aqtóbe qalasynyń 2 sotynyń úkimimen 3 jylǵa shartty túrde bas bostandyǵynan aıyryldy.
Bul ortasha aýyr qylmys bolyp tabylady. Sóıtip, negizgi másele sybaılas jemqorlyq deregi boıynsha habarlaǵan nemese sybaılastyqpen kúreske yqpal etken tulǵalardy yntalandyrý erejesine sáıkes, ortasha aýyr qylmys týraly habarlaǵan tulǵa 50 aılyq eseptik kórsetkish kóleminde yntalandyrýǵa jatady. Sondyqtan bul sybaılas qylmys týraly habarlaǵan azamatqa respýblıkalyq bıýdjetten 86550 teńge yntalandyrý syılyǵy tólendi. Qazirgi tańda sybaılas qylmys týraly habarlaǵan eki azamatqa da osyndaı yntalandyrý jasaý máselesi qaralýda. Olar 200 myń teńge kóleminde yntalandyrylatyn bolady.
Satybaldy SÁÝIRBAI,
«Egemen Qazaqstan».
Aqtóbe oblysy.