«Múmkindigi shekteýli 175 búldirshin qatysqan jıynǵa qala mesenattary men Áleýmettik ál-aýqat basqarmasy muryndyq boldy» dep habarlaıdy Almaty qalasy ákimdigi baspasóz qyzmeti.
Kelgen qonaqtarǵa belsendiler dastarqan jaıyp, syı-sııapat kórsetti. Al sýretshiler toby akva-grımm jaǵý boıynsha sheberlik sabaqtaryn ótkizdi. Balǵyndardyń ózi merekelik shoýǵa qatysyp, horeografııalyq jáne sahnalyq kórinister qoıdy.
«Bul qaıyrymdylyq sharasy beker uıymdastyrylyp jatqan joq. Adamdardyń júreginde meıirim oıansyn degen nıetpen jasalyp otyr. Búldirshinderdi «Ardı», «Meıirim» ońaltý ortalyqtarynan jáne Jetisý aýdanynan shaqyrdyq» dedi mesenat Sáýle Naýryzbaeva.
Qaıyrymdylyq aksııasyn qoldaýǵa qazaqstandyq estrada juldyzdary da keldi. Ártister múmkindigi shekteýli búldirshindermen bir sahnada bı bılep, olarǵa tamasha kóńil-kúı syılady.
«Men osyndaı qaıyrymdylyq sharalarǵa jıi qatysamyn. Onyń ózindik sebebi de bar. Mundaı jıynǵa qatysý árbir ártistiń mindeti dep sanaımyn. Tek balǵyndar úshin ǵana emes, eresek jandar úshin de jasalyp jatqan dúnıe bul» dedi ánshi Aıjan Nurmaǵambetova.
ALMATY
.