Qazaqstan boks federasııasy bıylǵy maýsymdy qorytyndylap, jyl úzdikterin anyqtady. Bul týraly Olympic.kz habarlady.
Jyldyń úzdik boksshysy ataǵyn Bekzad Nurdáýletov jeńip aldy. 21 jastaǵy mańǵystaýlyq boksshy bıyl Ekaterınbýrgte ótken álem chempıonatynda top jarǵan bolatyn.
2019 jyldyń úzdik boksshysy ataǵyn qaraǵandylyq Mılana Safronova da ıelendi. Ol bıyl áıelder boksynan álem jáne Azııa chempıonattarynda júldeger atanǵan.
Úzdik jas boksshy ataǵyn jastar arasyndaǵy Azııa chempıony Mahmud Sabyrhan enshilese, jastar komandasynyń úzdik jattyqtyrýshysy ataǵyna Mahmudtyń bapkeri Ilııas Oralbek laıyq dep tanyldy.
Qyzdar arasyndaǵy úzdik jas boksshy ataǵyn Azııa chempıony Anel Saqysh jeńip aldy. Úzdik federasııa ataǵyna Mańǵystaý oblysy ıe bolsa, úzdik tóreshi ataǵyn halyqaralyq dárejedegi tóreshi Ǵanı Ysqaqov ıelendi.