Qostanaı oblysyndaǵy Áýlıekól aýdanynyń ortalyǵyndaǵy eki bólmeli páterden shyqqan órt orny tolmas shyǵyn ákeldi. Qyzyl jalynnyń ortasynda qalyp qoıǵan 2016 jáne 2018 jyly týǵan eki birdeı sábı kóz jumdy. Aldyn ala boljam boıynsha órttiń sebebi balalardyń otpen oınaýynan bolǵan.
О́rtke oranǵan bólmede tósek túgel janyp ketken, mebelderge ot tıgen. О́rt bir saǵatqa tolmaıtyn ýaqytta sóndirilgen, biraq ne paıda, balalardy tilsiz jaýdan aman alyp qalýdyń múmkindigi bolmady.
Osy órt sóndirilgennen keıin oblystyq tótenshe jaǵdaılar departamentiniń mamandary oblys turǵyndaryna balalardy úıde qaraýsyz qaldyrmaýǵa jáne kishkentaı sábılerdiń otpen oınaýyna tıym salýdy, kúnde aıtyp, túsindirip otyrýdy eskertti.