Nur-Sultan qalasyndaǵy Qazaqstan Respýblıkasynyń QK ÁQK Áskerı-áýe kúshteriniń avıasııalyq bazasy qurylǵanyna 21 jyl tolǵanyn atap ótýde. Ataýly kún qarsańynda oqý-jattyǵý ushýlary ótti. Bul týraly Qorǵanys mınıstrliginiń baspasóz qyzmeti habarlady.
Oqý-jaýyngerlik tapsyrmalar barysynda armııalyq avıasııa ushqyshtary ushý men qonýdy, sonymen qatar Mı-171Sh jáne ES-145 tikushaqtarymen baǵyt boıynsha ushýdy pysyqtady, jergilikti jerdi barlaý úshin ushýlardy oryndady.
Daıarlyq barysyndaǵy mańyzdy element kúrdeli meteojaǵdaıda jáne túngi táýlik ýaqytynda ushýlar bolyp tabylady. Alǵash ret jas ofıserler áýe kemesiniń komandıri retinde derbes ózderi ushty.
Atalmysh áskerı bólimniń armııalyq avıasııa ushqyshtary turaqty túrde taktıkalyq oqý-jattyǵýlarǵa, desantty tasymaldaýǵa jáne olardy jabdyqtalmaǵan alańǵa túsirýdi oryndaýǵa qatysady. Tikushaq eskadrılıa ekıpajdary jaralanǵandardy evakýasııalaý jáne izdestirý-qutqarýmen qamtamasyz etý mindetterin sheshedi.
2019 jyly jaýyngerlik daıarlyq baǵdarlamasyna sáıkes birqatar ushqyshtar túngi ýaqytta túnde kórý kózildirikterin paıdalana otyryp, túngi ýaqytta ushýǵa jáne qarapaıym meteojaǵdaılarda túnde toppen ushýǵa ruqsat aldy. Kózildirik paıdalaný arqyly ótetin ushýlar barysynda avıasııalyq tehnıkada barlyq jaryqtandyrý quraldary ajyratylady. Bul shartty qarsylasty onyń tylynda kenetten ustap alýǵa múmkindik beredi.
Armııalyq avıasııadan basqa osy avıasııalyq bazada áskerı-kólik avıasııanyń ushqyshtar ekıpajdary qyzmet atqarady. Kúndiz jáne túnde olar Qazaqstannyń ár túrli baǵyttary boıynsha ushady, jaqyn jáne alys shetelge júk pen jeke quramdy tasymaldaýdy júzege asyrady.
2019 jyly elordalyq avıasııalyq bólimniń ushqyshtar quramynyń jalpy ushýy shamamen 2000 saǵatty qurady.