«Rýhanı jańǵyrý», «Sıfrly Qazaqstan» baǵdarlamalary aıasynda jáne Elbasynyń «Qazaqstannyń úshinshi jańǵyrýy: jahandyq básekege qabilettilik» Joldaýynda aıtylǵan mindetterdi júzege asyrý maqsatynda QR Ulttyq memlekettik kitap palatasynyń bastamasymen «Smart qalamger» jobasy ekinshi jarty jyldyq basynda qolǵa alynǵan bolatyn.
Qazaqstan Jazýshylar odaǵynyń múshesi bolyp tabylatyn árbir qalamgerdiń veb-saıttaryn tegin jasap berý jáne olarǵa tehnıkalyq qoldaý kórsetý, qalamgerlerdiń shyǵarmalaryn bir jerge jınaqtap, olardyń birtekti elektrondy bazasyn qurýdy maqsat etetin jobada QR Ulttyq memlekettik kitap palatasynyń muraǵatyn paıdalana otyryp, qalamgerlerdiń tolyq bıblıografııalyq anyqtamalyǵyn jasaý, olardyń oqyrmanmen jáne shet eldik jazýshylarmen baılanysyn damytý jumystary jolǵa qoıyldy.
Jobanyń alǵashqy tusaýkeseri Nur-Sultan qalasynda ótip, onda elordalyq jáne Aqmola oblysy boıynsha Qazaqstan Jazýshylar odaǵynyń múshesi 140 qalamgerge veb-saıt sertıfıkattary tabystalǵan bolatyn. Al 9 jeltoqsan kúni saǵat keshki Qazaqstan Jazýshylar odaǵynyń 85 jyldyǵyna oraı ótken saltanatty kesh barysynda QR Ulttyq memlekettik kitap palatasy ár qalamgerdiń jeke óz atyna ashylǵan veb-saıttyń sertıfıkatyn tabys etti.
ALMATY