Táýelsizdik merekesi qarsańynda «Baıqońyr» aýdany ákiminiń orynbasary Erlan Jaýlybaevtyń tóraǵalyǵymen aýdandaǵy kóp balaly analar saltanatty túrde «Altyn» jáne «Kúmis» alqalarmen marapattaldy. Bul týraly Nur-Sultan qalasy ákimdiginiń baspasóz qyzmeti habarlady.
Táýelsizdik kúnine oraı astanalyq 6 jáne odan da kóp balasy bar analarǵa «Altyn» jáne «Kúmis» alqalar tabystaldy. Osylaısha, «Altyn alqa» belgisimen kóp balaly ana Gúljan Ospanbaeva marapattalsa, odan bólek 14 anaǵa «Kúmis alqa» belgisi saltanatty túrde berildi.
Sonymen qatar alqa ıegerleri arnaıy syılyqtarǵa da ıe boldy. Is-sharaǵa qatysqan qonaqtar arasynda kóp balaly analardyń jaqyn týystary da boldy. Qonaqqa kelgen aq jaýlyqty ájeler tátti kámpıtterimen shashý shashyp, aq batalaryn berdi. Sondaı-aq olar jas urpaqqa ózderiniń ómirlik ónegelerin aıtyp, qundy keńesterimen bólisti.