Almatyda Táýelsizdik merekesin toılaý bastalyp ketti. Búgin Jazýshylar odaǵynda «Aq orda» respýblıkalyq qozǵalysy men «Jeltoqsan aqıqaty» qoǵamdyq birlestiginiń uıymdastyrýymen patrıottyq ánder keshi ótti. Bul án keshi «Rýhanı jańǵyrý» baǵdarlamasy sheńberinde oryndaldy.
«Patrıottyq rýh – basty qundylyq» jobasy aıasynda uıymdastyrylǵan konsertte qazaq estradasynyń ánshilerimen qatar qalamyzdyń jas ónerpazdary da óner kórsetti. Basty maqsat – jas urpaqty otansúıgishtikke tárbıeleý. Osynaý ulyq merekeniń mańyzdylyǵyn dáripteý.
«Kóbine kelip otyrǵandar jastar. Meniń bir rıza bolatynym qazir elimizdiń ósip kele jatqan jastarynyń kóbi erekshe belsendi. Qoǵamdyq jumysta, mádenıet pen sport salasynda bolsyn, sol óskeleń jastarǵa kóp úmit artamyz», - dedi «Aq Orda» respýblıkalyq qozǵalysy tóraǵasynyń orynbasary Qanat Musaǵulov.
ALMATY