Tarıhı ótken ǵasyrdyń 1921 jylynan bastalatyn Almatydaǵy QR Ortalyq memlekettik Arhıvi respýblıkalyq mańyzy bar tarıh jáne mádenıet eskertkishteriniń memlekettik tizimine endi. Táýelsizdik kúni men «Arhıv-2025» baǵdarlamasyn júzege asyrý maqsatynda búgin Arhıv ǵımaratyna eskertkish taqta ornatyldy. Aıtýly sharaǵa respýblıkanyń mádenıet salasynyń ókilderi qatysty.
QR Ortalyq memlekettik Arhıviniń dırektory Arnur Qarymsaqov alǵash Orynborda qurylyp, keıinnen Qyzylorda, al 1927 jyly Almatyǵa qonys aýdarǵan muraǵat tarıhyna toqtalyp, qazaq tarıhynyń qara shańyraǵynda HVI-HHI ǵasyrlardan bergi aralyqtaǵy bir jarym mıllıonnan astam qujattardyń saqtalǵandyǵyn jetkizdi. Sonymen qatar búgingi ıgi sharaǵa qoldaý bildirgen tıisti mınıstrlikke, Ulttyq mýzeı basshylyǵyna, Almaty qalasy ákimdigine, «Qazqaıtajańǵyrtý» basshylyǵyna alǵysyn jetkizdi.
Resmı sharaǵa qatysqan QR Mádenıet jáne sport mınıstrliginiń Mádenıet jáne óner isteri departamentiniń dırektory Kúmis Seıitova repýblıkadaǵy asa iri arhıv qoımasynyń ereksheligine toqtalyp, búginde elimizde 25 myńdaı eskertkish bolsa, onyń 247-si respýblıkalyq deńgeıdegi eskertkish ekendigin atap ótti. Sondyqtan da osy tizimniń qataryn tarıhı mańyzdy ǵımarattyń tolyqtyrýy aldaǵy ýaqytta Arhıv jumystarynyń jandana túsýine zor yqpal etetindigine toqtaldy.
Odan keıin «Qazqaıtajańartý» RMK arhıtektory Hanat Tuıaqbaev sóz alyp, saltanatty sharaǵa baılanysty quttyqtaý lebizin bildirdi.
Saltantty sharaǵa qatysqan qonaqtar ǵımarat aýlasyna shyrsha ornatyp, Arhıv tarıhyn bolashaq urpaqqa jetkizýdegi ıgi tilekterin bildirdi.
ALMATY