Táýelsizdik kúnine oraı Ortalyq memlekettik arhıv qyzmetkerleri men Sh. Ýálıhanov atyndaǵy Tarıh jáne etnologııa ınstıtýtynyń birlesken jumystarynyń nátıjesinde jaryqqa shyqqan «Nasıonalno-osvobodıtelnoe dvıjenıe kazahskogo naroda v konse XVIII – v nachale XX vekov» arhıv qujattary men materıaldary jınaǵynyń tanystyrylymy ótti.
Ǵalymdar bir jyl boıy zerttegen taqyryptyń aıasy keń. Ony túpnusqa kúıinen alshaqtatyp almaýdy basty nazarda ustaı otyryp, Arhıv málimetteri negizinde qurastyrǵan ǵalymdar bul eńbekti zertteýshiler úshin úlken olja dep biledi.
Sh. Ýálıhanov atyndaǵy Tarıh jáne etnologııa ınstıtýtynyń dırektory Zııabek Qabyldınov monografııada buryn aıtylmaǵan, jarııalanbaǵan ári zertteýshiler nazarynan tys qalǵan málimetter engendigin aıtady.
Onyń aıtýynsha, ǵylymı ónimdi jınaqtaýǵa sonymen qatar QR Prezıdenti arhıvi, Reseı muraǵattarynan ákelingen derekter de negiz bolyp otyr. Hronologııalyq sheńberi XVIII ǵasyrdyń aıaǵynan bastap XVI ǵasyrǵa deıingi kezeńdi qamtıtyn monografııada kórsetkishter, ǵylymı túsiniktemeler de keltirilgen.
Ǵalym atap ótkendeı, eger de zertteýshilerge osyndaı túpnusqa negizdi materıaldar qoljetimdi bolsa, onda tarıhymyzdyń da tolyqtyrylyp jazylatyndyǵy sózsiz. Al derektiń baıaý jetýi, sondaı-aq muraǵattyq derekter tapshy bolsa, onda burynǵy Keńes odaǵy metodologııasynyń negizinde monografııalar da, oqýlyqtar da jazyla beredi. Aldaǵy ýaqytta osyndaı olqylyqtardyń ornyn tolyqtyrý maqsatynda Arhıv jáne ınstıtýt ǵalymdary memorandým aıasynda tyń derekterge qol jetkizý úshin aýqymdy jobalardy qolǵa alatyn bolady.
ALMATY