Zaǵıp jáne nashar kóretin azamattarǵa arnalǵan respýblıkalyq kitaphananyń uıymdastyrýymen Táýelsizdik kúnine oraı Almaty qalasyndaǵy jalǵyz basty zeınetkerler, múgedekter, zeınet jasyndaǵy otbasylarǵa arnalǵan «Qamqor» Áleýmettik turǵyn úıinde «Alataý» dástúrli óner teatrynyń múgedekterge mádenı qyzmet kórsetý mádenıet úıiniń, Fedor Zrajevskıı jetekshilik etetin «Qalamqas» vokaldy ansambli qarttar nazaryna arnaıy konsert usyndy.
Zaǵıp jáne nashar kóretin azamattarǵa arnalǵan respýblıkalyq kitaphananyń baspasóz qyzmeti málimetteri boıynsha, qazaq halqy úshin teńdesi joq qasıetti de qasterli merekede aqyl-parasaty jarasqan qazyna-qarttarymyz «Odývanchık» - Lıýbov Tarasova, «Na pososhok» - Genadıı Demın, «Ballada o sedyh» - Vera Sotnıchenko, «Beıbit kún tilegi» - Alma Beısenbaeva, «Perekatı pole» - Marfa Glýshenko, «Sneg sedıny» - Batana Kolesnıkova, «Vals pobedy», «Moı gorod», «Vals veteranov», t.b. ánderdi tyńdap, erekshe kóńil-kúıge bólendi.
Kesh sońynda qarııalar qosyla án shyrqady. Aqsaqaldy atalar men aq jaýlyqty ájeler ánshilerge ózderiniń jyly lebizderin joldap, alǵystaryn bildirdi.
ALMATY