«Qazaqstannyń Táýelsizdik merekesimen quttyqtaımyn. Men sizderdiń jańa bıikterge jetýlerińizdi qalaımyn. Shyn júrekten Memlekettik ánurandaryńyzdy oryndap bermekpin» - dedi japondyq ǵalym, Ortalyq Azııa jáne Kavkaz elderin zertteý ınstıtýtynyń atqarýshy dırektory Satoshı Akao.
Satoshı Akaonyń aıtýynsha, osylaısha ol Qazaqstan halqyna degen qurmetin bildirip, eki el arasyndaǵy dostyqty odan ári nyǵaıtýǵa óz úlesin qosqysy keledi.
Satoshı - týrıstik jáne konsaltıngtik kompanııalardyń prezıdenti, sonymen qatar Ortalyq Azııa men Kavkazdy zertteý ınstıtýtynyń atqarýshy dırektory.
Akao - japon tilindegi «Qazaqstan» ániniń avtory jáne oryndaýshysy.
Ony qazaqstandyqtardyń qonaqjaılylyǵy shabyttandyrady eken.
Qazaqstannyń tuńǵysh prezıdenti Nursultan Nazarbaevqa Sýkýba ýnıversıtetiniń qurmetti doktory dárejesin berý rásiminde elimizdiń Japon ánurany alǵash ret shyrqaldy. Sol kezde Akao Japonııa jaǵynan qatysqan qurmetti qonaqtardyń arasynda bolǵan.
Sondaı-aq Akao osydan birneshe jyl buryn Qazaqstan memleketi táýelsizdiginiń altyn besigi Almatyǵa kelip ketipti. Almaty, 1986 Jeltoqsan oqıǵasy Qazaqstanǵa jáne qazaq halqyna, Almatyǵa degen yqylasyn arttyra túsken.
«Qazaq azat, rýhty ult. Amandyq bolsa , aldaǵy ýaqytta bul taqyrypqa jeke oralamyn» dep sózin túıindepti Satoshı Akao.